03498

गडकिल्ले बांधणी स्पर्धेत
जिजामाता ग्रुप विजेता

सकाळ वृत्तसेवा
नांदगाव, ता. १० ः कोळोशी येथील विशाल कदम आणि मित्र परिवार आयोजित गडकिल्ले बांधणी स्पर्धा आयोजित करण्यात आली. या स्पर्धेचा बक्षीस वितरण कार्यक्रम नुकताच शिवप्रतिष्ठान कोळोशीच्या नवव्या वर्धापन दिनाचे औचित्य साधून करण्यात आले. यात जिजामाता ग्रुपने प्रथम क्रमांक पटकावला.
दीपावलीच्या कालावधीत कोळोशी येथील विशाल कदम आणि मित्र परिवाराने सलग दुसऱ्या वर्षी गडकिल्ले बांधणी स्पर्धा आयोजित केली. या स्पर्धेला परिसरातून उत्स्फूर्त प्रतिसाद मिळाला. स्पर्धकांनीही विविध किल्ल्यांच्या हुबेहूब प्रतिकृती तयार करत शिवप्रेमी, दुर्गप्रमींची वाहवा मिळविली. अनेकांनी पाहणी करून त्यांच्या कलेचे कौतुक केले. परीक्षक मंडळांनी सर्व सहभागी ग्रुपचे कौतुक केले. या स्पर्धेत जिजामाता ग्रुपने प्रथम, द्वितीय क्रमांक मावळे आम्ही स्वराज्याचे आणि तृतीय क्रमांक शिवपुत्र असलदे यांनी मिळविला. उत्तेजनार्थ शिवबाचा छावा आणि शिवपुत्र असलदे यांची निवड करण्यात आली. मान्यवरांच्या उपस्थितीत विजेत्यांना बक्षीस देऊन गौरविण्यात आले.