03610

दांडेली दिव्यांग विद्यालयात
विद्यार्थ्यांना गणवेश वाटप

सकाळ वृत्तसेवा
आरोंदा, ता. १० ः आरोस दांडेली येथील माऊली महिला मंडळ शिरोडा संचलित माऊली मतिमंद निवासी विद्यालयात ‘सेलिब्रेटी एजचा राजा’ ग्रुपच्यावतीने गणवेश वाटप करण्यात आले. या ग्रुपने आपण कामावर असलेल्या जहाजावर गणेशोत्सव साजरा केला. त्या उत्सवात जमलेल्या देणगीतून दांडेली येथील माऊली मतिमंद निवासी विद्यालयात ३२ विद्यार्थ्यांना गणवेश व खाऊचे वाटप केले.
या कार्यक्रमात प्रमुख पाहुणे म्हणून चेतन कोचरेकर, रुची कोचरेकर, प्रतीक पाटील उपस्थित होते. प्रमुख पाहुण्यांचे स्वागत राजू काळे यांनी केले व विद्यालयाची तसेच विद्यार्थ्यांची सविस्तर माहिती दिली. कार्यक्रमाला माऊली मतिमंद व कर्णबधिर विद्यालयाचे मुख्याध्यापक, शिक्षक व शिक्षकेतर कर्मचारी उपस्थित होते. हा कार्यक्रम यशस्वी होण्यासाठी प्रतीक पाटील यांचे मोलाचे सहकार्य लाभले. विद्यालयाचे मुख्याध्यापक रुपेश सावंत, शिक्षक व शिक्षकेतर कर्मचाऱ्यांनी ग्रुपचे आभार मानले.