03778

दिल्ली दुर्घटनेतील मृतांना
घारपी शाळेत श्रद्धांजली

सकाळ वृत्तसेवा
बांदा, ता. ११ ः दिल्ली येथे घडलेल्या भीषण स्फोटात मृत्यू झालेल्या निरपराधांना घारपी येथील जिल्हा परिषद शाळेत आज श्रद्धांजली अर्पण करण्यात आली. या घटनेमुळे संपूर्ण देशभरात शोककळा पसरली असून, शाळेतील विद्यार्थी व शिक्षकांनी एकत्र येत मृतात्म्यांना श्रद्धांजली वाहिली.
कार्यक्रमाच्या सुरुवातीला स्फोटात जीव गमावलेल्या नागरिकांच्या आत्म्यांच्या शांतीसाठी दोन मिनिटे मौन पाळण्यात आले. यावेळी मुख्याध्यापक जे. डी. पाटील यांनी, अशा अमानुष घटनांमुळे समाजात भीती आणि असुरक्षितता निर्माण होते. अशा काळात नागरिकांनी एकजूट राखणे आणि शांततेचा संदेश देणे अत्यंत आवश्यक आहे, असे सांगितले. यावेळी शिक्षक आशिष तांदुळे, मुरलीधर उमरे, धर्मराज खंडागळे यांनी विद्यार्थ्यांना संवेदनशील, जागरुक आणि जबाबदार नागरिक बनण्याचे आवाहन केले.