अब्दुल चिलवाण यांना
कोकणरत्न पुरस्कार
चिपळूण, ता. १२ ः येथील अभ्यासू शिक्षक व समाजात विविधांगी क्षेत्रात तळमळीने गेल्या ४५ वर्षांपासून अधिक काळ कार्यरत असलेले अब्दुल चिलवाण यांना स्वतंत्र कोकण राज्य अभियानतर्फे कोकणरत्न पुरस्कार जाहीर झाला आहे. स्व. प्रा. महेंद्र नाटेकर यांच्यापासून दीर्घकाळ स्वतंत्र कोकण या चळवळीत योगदान देणारे चिलवाण यांनी इंग्रजी, उर्दू, अरब भाषांचा सखोल अभ्यास केला आहे. दीर्घकाळ कालुस्ते येथे नोकरी झाल्यानंतरही विनामूल्य इंग्रजी अध्यापन विविध शाळांमधून केले आहे. त्यांच्या कार्याची दखल घेऊन हा पुरस्कार स्वतंत्र कोकण अभियान संस्थापक संजय कोकरे यांनी त्यांची निवड केली आहे. १३ डिसेंबरला मुंबई येथे प्रदान करण्यात येणार आहे.