04351

विद्यार्थ्यांनी वेशभूषेतून
बालदिनात भरला रंभ

कुडाळ इंग्रजी प्रशालेतील उत्साह

सकाळ वृत्तसेवा
कुडाळ, ता. १४ : क.म.शि. प्र. मंडळाची इंग्रजी माध्यम प्राथमिक शाळा, कुडाळ येथे बालदिन उत्साहात साजरा करण्यात आला. कार्यक्रमाच्या सुरुवातीला पंडित जवाहरलाल नेहरू यांच्या प्रतिमेस मुख्याध्यापिका मुमताज शेख यांनी पुष्पहार अर्पण करून अभिवादन केले.
शाळेची आकर्षक सजावट, रांगोळ्या आणि रंगतदार वातावरण यामुळे परिसर सणासारखा उजळून निघाला होता. विद्यार्थ्यांनी चाचा नेहरूंच्या जीवनकार्यावर भाषणे सादर केली तसेच बालदिनानिमित्त शुभेच्छा देणारे मनोगतही व्यक्त केले. काही विद्यार्थ्यांनी पंडित नेहरूंची वेशभूषा करून विशेष अभिनय सादर केला. यामध्ये मयंक चव्हाण, निरव वसावे, ओकार सावंत, श्रीयश गावडे, हर्ष जावकर, स्वरूप मार्गी, दक्ष सावंत, आयोग सावंत, देवयानी साहू या विद्यार्थ्यांचा सहभाग उल्लेखनीय ठरला. विद्यार्थ्यांनी आकर्षक नृत्यप्रकार सादर करून वातावरण रंगत आणले. पूर्व-प्राथमिक विभागातील बालकांनी पोलिस, विविध भाज्या, फळे आणि प्राणी यांच्या वेशभूषा सादर केल्या. सातवीच्या विद्यार्थ्यांनी समाजसुधारक, देवी-देवता, महाराष्ट्रीयन स्त्री, कोळीणबाय, महिला क्रिकेटर अशाप्रकारे प्रेरणादायी वेशभूषा करून सादरीकरण केले. बालदिनानिमित्त चित्तवेधक चित्रे, शुभेच्छापत्रे, हस्तकला व वस्तूंचे प्रदर्शन भरवण्यात आले. मुख्याध्यापिका शेख यांच्या प्रमुख उपस्थितीत झालेला हा उत्सव शाळेतील सर्व शिक्षक आणि विद्यार्थ्यांच्या सहकार्याने यशस्वी पार पडला.