क्रीडा व कला सांस्कृतिक महोत्सव आजपासून
रत्नागिरी, ता. २७ : समाजकल्याण विभागाच्या शासकीय वसतिगृहातील विद्यार्थी आणि समाजकल्याण कर्मचाऱ्यांसाठी जिल्हास्तरीय क्रीडा व कला, सांस्कृतिक महोत्सव उद्यापासून (ता. २८) राजापूर तालुक्यातील रायपाटण-पाचल येथील वसतिगृहात होणार आहे. हा महोत्सव ३० नोव्हेंबरपर्यंत आहे.
जिल्हास्तरीय सांस्कृतिक महोत्सवाला समाजकल्याण मुंबई विभागाचे प्रादेशिक उपायुक्त बाळासाहेब सोळंकी, जिल्हा कोषागार अधिकारी प्रविंद बिरादार, सहायक आयुक्त समाजकल्याण दीपक घाटे उपस्थित राहणार आहेत तसेच पारितोषिक वितरण ३० ला सकाळी १० वा. सहआयुक्त (शिक्षण) समाजकल्याण आयुक्तालय प्रमोद जाधव यांच्या हस्ते होणार आहे. समाजकल्याण मुंबई विभागाचे प्रादेशिक उपायुक्त बाळासाहेब सोळंकी व जिल्हा माहिती अधिकारी प्रशांत सातपुते यांच्या प्रमुख उपस्थितीमध्ये होणार आहे.