भारतदास महाराजांची
आज २६ वी पुण्यतिथी
सावंतवाडी ः आंबोली राघवेश्वर मठ येथील सद्गुरू भारतदास महाराजांची २६ वी पुण्यतिथी रविवारी (ता.३०) होत आहे. यानिमित्त उद्या (ता.२९) सायंकाळी सत्यनारायण महापूजा, आरती, वीणापूजन, नामांकितांच्या भजनाचा कार्यक्रम, कीर्तन व प्रवचन होणार आहे. पुण्यतिथी दिवशी म्हणजेच ३० ला पहाटे काकड आरती, सकाळी ९ वाजता अभिषेक, आरती, पालखी सोहळा, नामस्मरण तसेच दुपारी १२ वाजता महाप्रसादाचे वितरण केले जाणार आहे.
---
कडावलला आज
वार्षिक जत्रोत्सव
कुडाळ ः कडावल (ता.कुडाळ) येथील ग्रामदेवता श्री देव लिंग रवळनाथचा वार्षिक जत्रोत्सव उद्या (ता.२९) होणार आहे. पारंपरिक रूढीनुसार ओट्या भरणे, नवस फेडणे आदी धार्मिक कार्यक्रमांसह रात्री खानोलकर दशावतार मंडळाचे नाटक होणार आहे. या जत्रोत्सवाचा लाभ घ्यावा, असे आवाहन देवस्थान कमिटी व ग्रामस्थांनी केले आहे.
----------------
न्हावेली येथे
उद्या जत्रोत्सव
सावंतवाडी ः न्हावेलीचे ग्रामदैवत श्री देवी माऊली रवळनाथ पंचायतनचा रविवारी (ता.३०) जत्रोत्सव होणार आहे. यानिमित्त सकाळी धार्मिक विधी त्यानंतर ओटी भरणे, केळी ठेवणे, नवस बोलणे व फेडणे, रात्री उशिरा वालावलकर दशावतार नाट्यमंडळ, ओसरगाव यांचा नाट्यप्रयोग होणार आहे. सर्व भाविकांनी लाभ घेण्याचे आवाहन देवस्थान कमिटी व मानकरी गावकर मंडळींनी केले आहे.