rat30p2.jpg-
07552
पावस ः पूर्णगड येथे लोकसभागातून आयोजित स्वच्छता अभियानात सहभागी विद्यार्थी.

पूर्णगड गावात श्रमदानातून स्वच्छता
पेजे महाविद्यालय ; एनएसएसच्या विद्यार्थ्यांचा सहभाग
सकाळ वृत्तसेवा
पावस, ता. ३०ः श्रमिक किसान सेवा समिती संचालित, लोकनेते शामरावजी पेजे महाविद्यालय शिवार आंबेरे अंतर्गत राष्ट्रीय सेवा योजनेच्या निवासी शिबीरात पूर्णगड येथे स्वच्छता अभियान राबविण्यात आले. या स्वच्छता अभियानात ग्रामस्थांनी विशेष सहभाग घेतला होता.
पूर्णगड येथे झालेल्या या कार्यक्रमांमध्ये उपेंद्र हरचकर, आशिष हरचकर सर्व महिला व ग्रामस्थ या सर्वांनी मिळून दत्तवाडी ते नवानगर स्वच्छता केली. दत्त जयंती निमित्त हे स्वच्छता अभियान राबवण्यात आले. राष्ट्रीय सेवा योजना विभागाच्या कार्यक्रम अधिकारी प्रा. कल्पना मेस्त्री, प्रा. अमित पवार, प्रा. नितीन वळवी, प्रा. अमोल गिरकर, शिक्षकेतत्तर कर्मचारी गोवर्धन मोहिते, पूर्णगडच्या सरपंच सुहासिनी धानबा यांनी या अभियानात सहभाग घेतला होता. हे अभियान राबवण्यासाठी महाविद्यालयाचे प्रभारी प्राचार्य प्रमोद वारीक यांनी प्रोत्साहनपर मार्गदर्शन केले. श्रमिक किसान सेवा समितीचे अध्यक्ष सुरेश भायजे, सचिव प्रा. राजेश मोहिते यांनी शुभेच्छा व्यक्त केल्या. हे अभियान यशस्वी करण्यासाठी सर्व स्वयंसेवकांनी मोलाचे योगदान दिले. लोकरेवाडीतील ग्रामस्थांनी सर्वांचा सन्मान केला.