देवरुखात मनसेची
रिक्षा-दुचाकी रॅली
साडवली, ता. ३० ः देवरूख नगरपंचायत निवडणुकीच्या प्रचारासाठी मनसेने शुक्रवारी (ता. २८) सायंकाळी रिक्षा/बाईक रॅली काढण्यात आली. महाराष्ट्र नवनिर्माण सेनेचा विजय असो, अशा घोषणा देत देवरूख शहरातून ही रॅली काढण्यात आली. या रॅलीला मनसेसैनिकांचा उत्स्फूर्त प्रतिसाद लाभला.
रॅलीची सुरुवात देवरुखची ग्रामदेवता सोळजाई देवीचा आशीर्वाद घेऊन करण्यात आली. यानंतर ही रॅली सोळजाई मंदिरपासून गुरववाडी, नेहरूनगर, मुस्लिम मोहल्ला, भोईवाडी, भंडारवाडी, माणिक चौक, मातृमंदिर चौक, डी कॅड कॉलेज, माणिक चौक, खालची आळी, ग्रामीण रुग्णालय, स्टेट बँक रोड, बसस्थानक, छत्रपती शिवाजी महाराज चौक, दिनोदय वस्तू भांडारमार्गे पोलिस कवायत मैदान अशी काढण्यात आली. रॅलीत मनसेचे संपर्क अध्यक्ष श्रीपत शिंदे, मनविसेचे संपर्क अध्यक्ष दिनेश मांडवकर, नेते जितेंद्र चव्हाण, मनसे तालुकाध्यक्ष अनुराग कोचिरकर, मनविसे शहराध्यक्ष ऋतुराज देवरुखकर, अमित चव्हाण, देवेंद्र चव्हाण आदी सहभागी झाले होते.