swt25.jpg
O07941
श्री गुरुदेव दत्त

बांद्यात दत्त जयंतीनिमित्त
उद्यापासून विविध कार्यक्रम
सकाळ वृत्तसेवा
बांदा, ता. २ः श्री दत्त मंदिर, लकरकोट बांदा येथे यावर्षी ४ व ५ डिसेंबला दत्त जयंती उत्सव मोठ्या भक्तिभावात साजरा करण्यात येणार आहे. या दोन दिवसांच्या उत्सवात महापूजा, अभिषेक, सामूहिक गाऱ्हाणे, भजन-संध्या, महाप्रसाद अशा विविध धार्मिक कार्यक्रमांचे आयोजन केले आहे. भक्तांनी उत्सवात उपस्थित राहून दर्शन व तीर्थ-प्रसादाचा लाभ घ्यावा, असे आवाहन आयोजकांनी केले आहे.
गुरुवारी (ता. ४) पहाटे ५ वाजता काकड आरती व षोड्शोपचार पूजा, सकाळी ८ वाजता महाराजांची महापूजा व सार्वजनिक अभिषेक, ९ वाजता सत्यनारायण पूजा, दुपारी १ वाजता महानैवेद्य, महाआरती व सामूहिक गाऱ्हाणे, दुपारी १.३० वाजता महाप्रसाद, सायंकाळी ५ वाजता श्री दत्तजन्म व कीर्तन, सायंकाळी ६ ते रात्री ९ वाजेपर्यंत भजनांचे कार्यक्रम, रात्री ९.३० वाजता शेजाआरती, १० वाजता दोन अंकी धमाल मालवणी विनोदी नाटक ''वर्सल-एक रहस्यमय प्रेमकहाणी'' आदी कार्यक्रम होणार आहेत. शुक्रवारी (ता. ५) सकाळी ९ वाजता श्री दत्त महाराजांची नित्यपूजा, दुपारी १ वाजता महानैवेद्य, महाआरती व सामूहिक सांगता गाऱ्हाणे, १.३० वाजता महाप्रसाद (समराधना) आदी कार्यक्रम होणार आहेत. उत्सवाचे आयोजन दत्तप्रसाद कला, क्रीडा मंडळ, लकरकोट बांदा यांनी केले असून, सर्व भक्तांनी उपस्थित राहावे, असे आवाहन मंडळाचे अध्यक्ष सुशांत पांगम यांनी केले आहे.