माजी सैनिक वसतिगृह,
विश्रामगृहासाठी पदभरती
सकाळ वृत्तसेवा
सिंधुदुर्गनगरी, ता. २ः जिल्हा सैनिक कल्याण कार्यालय, सिंधुदुर्गच्या अधिपत्याखाली असलेल्या सैनिकी मुलांचे वसतिगृह व माजी सैनिक विश्रामगृह सावंतवाडी येथे माजी सैनिक प्रवर्गातून दोन कंत्राटी अशासकीय पदे तात्पुरत्या स्वरुपात भरावयाची असल्याची माहिती जिल्हा सैनिक कल्याण अधिकारी यांनी दिली. सैनिकी मुलांचे वसतिगृहात अशासकीय वसतिगृह अधीक्षक या एका पदासाठी सैन्यातून सुभेदार या पदावरून सेवानिवृत्त झालेला असावा. तसेच संगणक हाताळण्याचे ज्ञान असणे आवश्यक आहे.
माजी सैनिक विश्रामगृह सावंतवाडी येथे अशासकीय पहारेकरी या एका पदासाठी सैन्यातून हवालदारपदापर्यंत सेवानिवृत्त झालेला असावा. पात्र माजी सैनिकांनी सैन्यसेवा पुस्तक, माजी सैनिक ओळखपत्र, दोन फोटो, आधार कार्ड या कागदपत्रांसह १० डिसेंबरपर्यंत जिल्हा सैनिक कल्याण कार्यालय, सिंधुदुर्ग येथे अर्ज सादर करावेत. अधिक माहितीसाठी (मानधन व कामाचे स्वरूप) संपर्क करावा, असे आवाहन जिल्हा सैनिक कल्याण कार्यालयामार्फत केले आहे.