देवरूख शेतकरी कार्यशाळा उत्साहात
सकाळ वृत्तसेवा
संगमेश्वर, ता. ३ ः सत्यमेव जयते फार्मर कप २०२६ संगमेश्वर तालुका एकदिवसीय शेतकरी कार्यशाळा छत्रपती संभाजी महाराज सभागृह पंचायत समिती देवरूख येथे झाली.
संगमेश्वर येथे झालेल्या कार्यशाळेत तालुका कृषी अधिकारी विनोद हेगडे, पाणी फाउंडेशनचे तज्ज्ञ प्रशिक्षक संदेश कारंडे, सुहास मोहिते, लाहूराज दरेकर, विकास कळमकर उपस्थित होते. कार्यक्रमाचे प्रास्ताविक तालुका कृषी अधिकारी विनोद हेगडे यांनी केले. त्यानंतर पाणी फाउंडेशनच्या सर्व प्रशिक्षकांनी फार्मर कप संकल्पना, सहभागी होण्याची पद्धती, शेतकरी गट निवड, तीन दिवसीय निवासी प्रशिक्षणाबाबत सविस्तर मार्गदर्शन केले. त्यानंतर प्रशिक्षणासाठी शेतकऱ्यांची नोंदणी करून घेण्यात आली. या वेळी उपकृषी अधिकारी पोपट खंडागळे यांनी सर्व शेतकऱ्यांना महाविस्तार एआय ॲपसंदर्भात माहिती दिली व उपस्थित सर्व शेतकऱ्यांना ॲप डाऊनलोड करण्यासंदर्भात मार्गदर्शन केले. या वेळी सर्व मंडळ कृषी अधिकारी, उपकृषी अधिकारी व सहाय्यक कृषी अधिकारी, शेतकरी, तसेच ‘माविम’च्या गटांच्या महिला प्रतिनिधी उपस्थित होते.