सावंतवाडीत उद्या
महापरिनिर्वाण दिन
सकाळ वृत्तसेवा
सावंतवाडी, ता. ४ ः भारतरत्न डॉ. बाबासाहेब आंबेडकर यांच्या ६९ व्या महापरिनिर्वाण दिनाचे औचित्य साधून भारतीय बौद्ध महासभा शाखा सावंतवाडीच्या वतीने विविध कार्यक्रमांचे आयोजन केले आहे.
शनिवारी (ता. ६) रात्री १० वाजता भीमगीत गायन कार्यक्रमातून डॉ. बाबासाहेब आंबेडकर यांना अभिवादन करण्यात येणार असून, १२ वाजता डॉ. आंबेडकर यांच्या पुतळ्याला पुष्पहार अर्पण व त्रिशरण पंचशील बुद्धवंदना होणार आहे. शनिवारी (ता. ६) सकाळी १० वाजता पूजापाठ व धार्मिक विधी, सायंकाळी ४ वाजता अभिवादन सभा होणार आहे. यावेळी विशाल मोहिते (कोल्हापूर) यांचे विशेष मार्गदर्शन होणार असून कार्यक्रमाच्या अध्यक्षस्थानी बुधाजी कांबळी असणार आहेत. सायंकाळी ५.३० वाजता ''भीमज्योत रॅली''चे आयोजन करण्यात आले आहे. या सर्व कार्यक्रमात मोठ्या संख्येने उपस्थित राहावे, असे आवाहन भारतीय बौद्ध महासभेचे नवनिर्वाचित तालुकाध्यक्ष दिलीप जाधव, महिला आयोग अध्यक्ष मीनाक्षी तेंडुलकर यांनी केले आहे.