swt423.jpg
08452
वेंगुर्ले - प्रा. डॉ. धनराज गोस्वामी यांनी सबा शेख हिचे अभिनंदन केले.

सबा शेखची आंतरविद्यापीठ
बॅडमिंटन स्पर्धेसाठी निवड
सकाळ वृत्तसेवा
वेंगुर्ले, ता. ४ः येथील बॅ. बाळासाहेब खर्डेकर महाविद्यालयाची बॅडमिंटन खेळाडू सबा शेख (द्वितीय वर्ष, विज्ञान) हिची महाराष्ट्र राज्य आंतरविद्यापीठ (अश्वमेध) बॅडमिंटन स्पर्धेसाठी मुंबई विद्यापीठ संघात निवड झाली. ही स्पर्धा स्वामी रामानंद तीर्थ मराठवाडा विद्यापीठ, नांदेड येथे होणार आहे. यापूर्वी सबाने कोकण झोन-सिंधुदुर्ग, रत्नागिरी, रायगड बॅडमिंटन संघाचे नेतृत्व करत उल्लेखनीय कामगिरी बजावली आहे. तिच्या सातत्यपूर्ण उत्कृष्ट खेळामुळे तिची अश्वमेधसारख्या प्रतिष्ठित राज्यस्तरीय विद्यापीठीय स्पर्धेसाठी निवड झाली आहे. अश्वमेधमधील कामगिरीच्या आधारे तिला पुढील ऑल इंडिया इंटर युनिव्हर्सिटी स्पर्धेत संधी मिळू शकते, असे क्रीडा विभागातून सांगण्यात आले.
सबाला शिक्षण प्रसारक मंडळाचे सचिव प्रा. जयकुमार देसाई, पेट्रन कौन्सिल मेंबर दौलतराव देसाई, चेअरमन मंजिरी मोरे-देसाई, प्रशासन अधिकारी पृथ्वी मोरे यांचे मोलाचे मार्गदर्शन लाभले. महाविद्यालयाचे प्राचार्य डॉ. धनराज गोस्वामी, क्रीडा संचालक प्रा. जे. वाय. नाईक, जिमखाना चेअरमन डॉ. के. आर. कांबळे, संस्था प्रतिनिधी सुरेंद्र चव्हाण, प्रा. संजय चमणकर, प्रा. सुदाम माने, सर्व प्राध्यापक व शिक्षकेतर कर्मचाऱ्यांनी तिचे अभिनंदन करून पुढील वाटचालीस शुभेच्छा दिल्या.