-Rat६p११.jpg
२५O०८८४३
मंडणगड: महापरिनिर्वाण दिनानिमित्त पंचशील व पूजापाठ सादर करताना शिक्षक, विद्यार्थी
------
संविधान हा देशाचा सर्वोच्च कायदा
हुलगे ः डॉ. आंबेडकर हायस्कूलमध्ये महापरिनिर्वाणदिन
सकाळ वृत्तसेवा
मंडणगड, ता. ६ ः डॉ. बाबासाहेब आंबेडकर यांचे बालपण, शिक्षण, सामाजिक राजकीय कार्य याची सखोल माहिती देताना संविधान हा देशाचा सर्वोच्च कायदा असून, शासनाच्या रचना, अधिकार, कर्तव्ये आणि नागरिकांचे हक्क निश्चित करणारा पाया असल्याचे मुख्याध्यापक आबासाहेब हुलगे यांनी सांगितले.
मंडणगड तालुका विकास मंडळ संचलित डॉ. बाबासाहेब आंबेडकर हायस्कूल व कनिष्ठ महाविद्यालय येथे डॉ. बाबासाहेब आंबेडकर यांच्या महापरिनिर्वाण दिनानिमित्त कार्यक्रम उत्साहात झाला. विद्यालयातील १८ विद्यार्थ्यांनी डॉ. आंबेडकर यांच्या कार्याविषयी मनोगते व्यक्त केली तसेच निबंध स्पर्धाही घेण्यात आली. सहाय्यक शिक्षक प्रकाश हेलोंडे यांनी डॉ. आंबेडकरांचे शिक्षण, सामाजिक व राजकीय कार्य, त्यांनी स्थापन केलेल्या शैक्षणिक संस्था, सत्याग्रह, पुणे करार आणि त्यांच्या महापरिनिर्वाणाविषयी माहिती दिली. शिक्षक प्रतिनिधी राजकुमार सूर्यवंशी यांनी डॉ. बाबासाहेबांचे बालपण, शिक्षण तसेच राज्यघटनेतील योगदान यावर सविस्तर माहिती दिली.