-rat७p१९.jpg-
P२५O०९०६९
राजापूर ः मानसी हांदे हिचा सत्कार करताना पाचल पंचक्रोशी शिक्षण प्रसारक मंडळ, पाचल संस्थेचे कार्याध्यक्ष अशोक सक्रे आणि मान्यवर.
----
कष्टाची तयारी असेल तर यश मिळते
मानसी हांदे ः पॉवरलिफ्टींगमध्ये सुवर्णपदक विजेती खेळाडू
सकाळ वृत्तसेवा
राजापूर, ता. ८ ः ध्येय ठरवून सातत्य, योग्य आहार व कष्टांची तयारी ठेवल्यास यश निश्चित मिळते. अपयश व संघर्ष येतात, मात्र जिद्द आणि चिकाटी असेल तर वेळ नक्की बदलते, असा संदेश पॉवरलिफ्टिंग खेळात सुवर्णपदक विजेती मानसी हांदे हिने विद्यार्थ्यांना दिला. तसेच आईवडिलांचे मार्गदर्शन आणि शाळा-महाविद्यालयातून मिळालेल्या प्रोत्साहनामुळे क्रीडा क्षेत्रात वाटचाल शक्य झाल्याचे तिने सांगितले.
पाचल पंचक्रोशी शिक्षण प्रसारक मंडळातर्फे आयोजित सत्कार कार्यक्रमात ती बोलत होती. या वेळी पाचल पंचक्रोशी शिक्षण प्रसारक मंडळाचे कार्याध्यक्ष अशोक गंगाराम सक्रे, सचिव रामचंद्र वरेकर, सहसचिव किशोर नारकर, कोषाध्यक्ष राजू लब्दे, संचालक विकास कोलते, मुख्याध्यापक आशा गुरखे, पर्यवेक्षक प्रमिला गांधी आदी उपस्थित होते. याप्रसंगी ती म्हणाली, क्रीडा क्षेत्रात उज्ज्वल करिअरच्या संधी उपलब्ध असून खेळात रस असलेल्या विद्यार्थ्यांना प्रोत्साहन देणे गरजेचे आहे.