swt84.jpg
09258
सावंतवाडी : सिंधुदुर्ग जिल्हा शिक्षण प्रसारक मंडळाचे चेअरमन शुभदादेवी खेमसावंत भोंसले यांनी उमेझा शेख व नेहल मठकर या विद्यार्थीनीचे अभिनंदन केले. यावेळी शामराव सावंत आदी

मदर क्वीन्स स्कूलचे
विज्ञान प्रदर्शनात यश
सावंतवाडी, ता. ८ः निरवडे येथे ५३ व्या तालुकास्तरीय विज्ञान प्रदर्शनांतर्गत आयोजित विविध तालुकास्तरीय स्पर्धा पार पडल्या. यामध्ये प्राथमिक वयोगटासाठी आयोजित वक्तृत्व स्पर्धेत सिं. जि. शि. प्र. मंडळ संचलित मदर क्वीन्स इंग्लिश स्कूलची विद्यार्थीनी उमेझा शेख हिने ’प्रदूषण: एक जागतिक समस्या’ या विषयावर सादरिकरण करत सावंतवाडी तालुक्यात प्रथम क्रमांक पटकावला.
माध्यमिक गटातून नेहल मठकर हिने तालुक्यात द्वितीय क्रमांक संपादित केला. स्पर्धेसाठी विज्ञान शिक्षिका फरजाना मुल्ला व साक्षी सावंत यांनी मार्गदर्शन केले. या यशाबद्दल सिंधुदुर्ग जिल्हा शिक्षण प्रसारक मंडळाचे अध्यक्ष श्रीमंत राजेसाहेब खेमसावंत भोंसले, चेअरमन श्रीमंत राणीसाहेब शुभदादेवी खेमसावंत भोसले, कार्यकारी विश्वस्त श्रीमंत लखमराजे भोंसले, विश्वस्त युवराज्ञी श्रद्धाराजे भोसले, दिलीप देसाई, शामराव सावंत, मंडळाचे सदस्य जयप्रकाश सावंत, डॉ. सतीश सावंत, मुख्याध्यापिका श्रीमती अनुजा साळगांवकर तसेच प्रशालेचे शिक्षक, शिक्षकेतर कर्मचारी, पालक शिक्षक संघ कार्यकारी समितीचे सदस्य यांनी अभिनंदन केले.