मळगाव येथे २८ ला
माजी विद्यार्थी स्नेहमेळावा
सावंतवाडी, ता. ८ : मळगाव इंग्लिश स्कूल माजी विद्यार्थी परिवारातर्फे मळगाव इंग्लिश स्कूल येथे २८ तारखेला सकाळी १० ते सायंकाळी ४ या वेळेत माजी विद्यार्थी स्नेह मेळाव्याचे आयोजन केले आहे.
जीवनाच्या धकाधकीत पुढे जाताना शालेय जीवनातील निरागस क्षण, मित्रमैत्रिणींची साथ, शाळेतील बाकांवरची मैत्री, शिक्षकांचे संस्कार आणि शाळेमधील हसरे दिवस पुन्हा एकदा अनुभवण्याची सुवर्णसंधी मळगाव इंग्लिश स्कूलच्या माजी विद्यार्थ्यांना या सोहळ्याच्या निमित्ताने मिळणार आहे.
माजी विद्यार्थ्यांमधील नातेसंबंध अधिक दृढ व्हावेत, प्रशालेच्या विकासात त्यांचा सहभाग वाढावा, आणि वर्तमान विद्यार्थ्यांना त्यांच्या अनुभवांचा ठेवा मिळावा, या उद्देशाने हा मेळावा होत आहे. याशिवाय, अनेक वर्षांपासून आपल्याला घडविणाऱ्या जुन्या शिक्षकांचा सामूहिक सत्कार करून त्यांना कृतज्ञतेची मानवंदना देण्याची संधीही माजी विद्यार्थ्यांना लाभणार आहे.