-rat१०p२४.jpg-
P२५O०९७९३
चिपळूण ः ओवळी येथे लोकसहभागातून घालण्यात आलेला बंधारा.
-----
ओवळीत लोकसहभागातून बांधले बंधारे
सकाळ वृत्तसेवा
चिपळूण, ता. १० ः उन्हाळ्याच्या कालावधीत पाणीटंचाईच्या झळा जाणवू नयेत तसेच पशुपक्ष्यांसह जनावरांना पाण्याची उपलब्धता व्हावी यासाठी ओवळी येथे लोकसहभागातून विविध ठिकाणी बंधारे घालण्यात आले.
मुख्यमंत्री समृद्ध पंचायतराज अभियानांतर्गत ओवळी येथे विविध उपक्रम राबवले जात आहेत. या अभियानांतर्गत मिशन बंधारे मोहीम हाती घेण्यात आली. उन्हाळ्यात नदीतील पाणीसाठा कमी झाल्याने पाणीटंचाईची समस्या जाणवते. त्यामुळे नदीवर विविध ठिकाणी बंधारे घालण्याचा निर्णय घेण्यात आला. त्यानुसार ग्रामपंचायत पदाधिकारी तसेच ग्रामस्थांनी लोकसहभागातून बंधारे घालण्यासाठी श्रमदान केले. या वेळी सरपंच शेवंती पवार, उपसरपंच दिनेश शिंदे, सदस्य निकिता प्रकाश शिंदे, संपदा बोलाडे, दीपिका शिंदे, अंगणवाडी सेविका दीक्षा शिंदे, अनिता शिंदे, आशासेविका सिद्धी शिंदे, रोजगार सेविका अक्षरा शिंदे, तंटामुक्त अध्यक्ष प्रकाश शिंदे आदी उपस्थित होते.