09800

आंदुर्लेत ज्वेलरी प्रशिक्षणास प्रतिसाद
बांदा, ता. १० ः आंदुर्ले ग्रामपंचायत आणि कोकण एनजीओ इंडिया संस्थेच्या संयुक्त माध्यमातून मुख्यमंत्री समृद्ध पंचायतराज अभियान अंतर्गत पाच दिवसीय ज्वेलरी बनविणे प्रशिक्षणाचा समारोप सरपंच अक्षय तेंडोलकर यांच्या उपस्थितीत प्रशिक्षणार्थींना प्रमाणपत्र वाटप करून करण्यात आला.
या प्रशिक्षणात २४ युवतींनी सहभाग नोंदवला. या रोजगाराभिमुख उपक्रमामुळे रोजगारनिर्मिती वाढेल आणि स्थानिक बाजारपेठेला चालना मिळेल. महिलांच्या सहभागामुळे सामाजिक नेतृत्व, आत्मविश्वास व सामुदायिक बांधिलकी देखील अधिक दृढ होईल, असे सरपंच अक्षय तेंडोलकर यावेळी म्हणाले. समारोपप्रसंगी उपसरपंच चंद्रकिसन मोर्ये, सीआरपी अनुष्का राऊळ, रेखा वझरकर, प्रशिक्षक स्नेहल गावडे, संस्था समन्वयक समीर शिर्के यांसह ग्रामस्थ आणि महिला मोठ्या संख्येने उपस्थित होत्या.