गोळवशीत कृषी
महोत्सव उत्साहात
लांजा, ता. १२ ः ग्रामीण भागातील नागरिकांच्या हाताला कामधंदा मिळवून त्यांना खऱ्या अर्थाने आर्थिकदृष्ट्या स्वयंपूर्ण बनवणे आणि गावागावांचा विकास करणे, हे स्वप्न माझ्या आईने पाहिले होते आणि आता ते स्वप्न सत्यात उतरत आहे, ही नक्कीच आनंदाची आणि अभिमानाची गोष्ट आहे, असे प्रतिपादन एचडीएफसी बँकेच्या वरिष्ठ अधिकारी मनीषा यांनी गोळवशी येथे केले. दी प्राइड इंडिया व एचडीएफसी बँक यांच्या संयुक्त विद्यमाने ग्रामीण विकास प्रकल्पांतर्गत लक्ष कृषी महोत्सव २०२५ कार्यक्रम गोळवशी येथे पार पडला. या प्रसंगी प्रमुख पाहुणे म्हणून मनीषा या बोलत होत्या. या प्रसंगी जिल्हा कृषी अधिकारी शिवकुमार सदाफुले, एचडीएफसी बँकेचे व्यवस्थापक योगेश पगारे, दी प्राईड इंडियाच्या मानद संचालिका इशा मेहरा, तालुका कृषी अधिकारी अभिजित शेलार, कृषी अधिकारी पंचायत समिती संतोष म्हेत्रे, विशेषतज्ज्ञ डॉ. एस. एस. चव्हाण आदी उपस्थित होते.