- rat१६p३.jpg-
२५O११००१
रत्नागिरी ः पुणे येथील सीता ट्रस्ट अहिल्यानगर व समर्थ फाउंडेशन व जिजाई बहुउद्देशीय सेवा संस्था कल्याण महाराष्ट्रतर्फे भारती राजवाडे आई काव्य पुरस्काराने सन्मानित.

भारती राजवाडेंना आई काव्य पुरस्कार
सकाळ वृत्तसेवा
रत्नागिरी, ता. १६ ः सीता ट्रस्ट अहिल्यानगर व समर्थ फाउंडेशन पुणे जिजाई बहुउद्देशीय सेवा संस्था कल्याण महाराष्ट्र यांच्यातर्फे राज्यस्तरीय ‘आई’ हा काव्य महोत्सव साहित्यिक पुरस्कार देवरूख येथील लेखिका भारती राजवाडे यांना जाहीर झाला आहे. महाराष्ट्रात व्याख्याते म्हणून प्रसिद्ध असलेले निःस्वार्थपणे काम करणारे समाजसेवक, गुरू संदीप पाटील यांच्या हस्ते सन्मानपत्र व सन्मानचिन्ह देऊन त्यांना सन्मानित करण्यात आले.
रविवारी (ता. १४) वि. का. राजावाडे सभागृह भारत इतिहास संशोधन मंडळ सदाशिव पेठ पुणे येथे या पुरस्काराचे वितरण झाले. प्रसिद्ध कवी-कवयित्रींच्या आई या राज्यस्तरीय ११२१ ग्रंथ पुस्तक कवितासंग्रह असलेल्या साहित्यक्षेत्रातील पुरस्कार देवरूखच्या लेखिका, पत्रकार राजवाडे यांना मिळाला. आई या पुस्तकात ५००हून अधिक पानांचा भव्यदिव्य ग्रंथपुस्तक काव्यसंग्रहात राजवाडे यांच्या दहा साहित्य कविता प्रकाशित झाल्या आहेत. या कार्यक्रमाला पद्मश्री राहीबाई पोपरे (बीजमाता) पद्मश्री दादा इदाते, पद्मश्री पोपटराव पवार, आचार्य सीए डॉ. शंकर अंदानी, किरण इनामदार, समर्थ फाउंडेशनचे संदीप पाटील आदी उपस्थित होते.