swt161.jpg
11045
पिंगुळी ः चिकित्सक समुहाच्या पाटकर वर्दे कॉलेजच्या विद्यार्थ्यांनी ‘पूर्णब्रह्म पर्व पाच’ अंतर्गत विविध सांस्कृतिक कार्यक्रम सादर केले. (छायाचित्र ः अजय सावंत)

‘पाटकर वर्दे’च्या विद्यार्थ्यांनी जिंकली मने
सांस्कृतिक सोहळा उत्साहातः ‘पूर्णब्रह्म पर्व ५’ ची थाटात सांगता
सकाळ वृत्तसेवा
कुडाळ, ता. १६ः नृत्याविष्कार, नाटुकली, विविधांगी सांस्कृतिक कार्यक्रमांनी पाटकर वर्दे कॉलेजच्या विद्यार्थ्यांनी सर्वांचे मनोरंजन केले. या सोहळ्याची सांस्कृतिक कार्यक्रमांनी दिमाखदार सांगता झाली.
हॉटेल व्यवसायाबरोबरच सांस्कृतिक क्षेत्रातही मनोरंजन करता यावे, या अनुषंगाने चिकित्सक समुहाच्या पाटकर वर्दे कॉलेज ऑफ हॉस्पिटॅलिटी अँड कॅटरिंग सॅटेलाईट सेंटर पिंगुळी-कुडाळतर्फे ‘पूर्णब्रह्म पर्व ५’ च्या निमित्ताने सांस्कृतिक कार्यक्रमांचे आयोजन करण्यात आले होते. कार्यक्रमाची सुरुवात कार्यक्रमाचे प्रमुख पाहुणे चिकित्सक संस्थेचे सेक्रेटरी डॉ. गुरुनाथ पंडित, मुख्य शिक्षण अधिकारी डॉ. माला खारकर, ज्येष्ठ पत्रकार संजीवनी देसाई, हेड शेफ डॉ. अमोल राऊळ, नोएल फर्नांडीस यांच्या हस्ते दीपप्रज्वलन करून करण्यात आली. त्यानंतर सांस्कृतिक कार्यक्रम सादर करण्यात आले. विविध नृत्याविष्कार, नाटुकली,  विनोदी एकपात्री अभिनय यामुळे उपस्थित रसिकांसाठी सांस्कृतिक मेजवानी ठरली.
पाटकर वर्दे कॉलेजचे मंदार पडवळ, संदेश साबळे, ज्ञानेश पेडणेकर, गणेश राऊळ, श्रावणी पारटे, नेहा कांबळी, पलाशा गावडे, समीर मेस्त्री, मितेश माधव, रोहन चव्हाण, चिन्मय आदींनी या सोहळ्यात रंगत आणली. सांस्कृतिक कार्यक्रम मेजवानी चैताली आणि रोहन राणे यांनी सादर केली. स्वागत नृत्य नेहा, श्रावणी, मनाली, समीक्षा यांनी सादर केले. ‘ओल्ड रिमिक्स’ने रोहन आर., रोहन चव्हाण, योगेश, ओंकार, चैतन्य, चिन्मय आदींनी रंगत आणली. पलाशाने ''मन धावताय''ने सर्वांना प्रोसाहित केले. ''मेरावाला डान्स'' गणेश, रोहन ढोलम, समीर, दिनेश, शशांक, आयुष, मितेश यांनी सादर करत सांस्कृतिक कार्यक्रमांना वेगळ्या उंचीवर नेले. ‘लोंडन थुमकता’ रुद्राक्षी, सानिका, साक्षी यांनी सादरीकरण केले. जुगलबंदीने समृद्धी, गणपत, चैतन्य या विद्यार्थांनी रंगत आणली. ‘देसी गर्ल’ गीतावर श्रावणी, नेहा, मनाली यांनी उपस्थितांना वेस्टर्न जमान्यात नेले. स्लो मोशन अंग्रेजा भक्ती, प्रतीक्षा, समृद्धी, मनाली, अजय, तन्मय यांनी सादर केले. स्किट रुही, गणेश, संदेश, ज्ञानेश, साहिल यांनी सादर करत रसिकांची मने जिंकली. समन्वयक अमित गावडे यांनी आभार मानले.