11118

संत जगनाडे महाराजांना
सावंतवाडीत आज वंदन

सकाळ वृत्तसेवा
सावंतवाडी, ता. १६ ः प. पू. संताजी जगनाडे महाराज यांची ३२६ वी पुण्यतिथी उद्या (ता. १७) तेली समाज उत्कर्ष मंडळ यांच्या माध्यमातून चंद्रभागा निवास, संताजीनगर, सावंतवाडी येथे आयोजित केली आहे. यावेळी ७५ वर्षांवरील नागरिक ज्ञाती बंधू-भगिनींचा सत्कार करण्यात येणार आहे.
यावर्षीचे पूजेचे मानकरी जयराम आजगावकर दांपत्य आहे. सकाळी ९ ते ११.३० वाजता परमपूज्य सद्गुरू संताजी जगनाडे महाराज मूर्ती पूजन, आरती व तीर्थप्रसाद, दुपारी १ ते २.३० वाजता महाप्रसाद, दुपारी २.३० ते ४.३० वाजता प्रमुख पाहुण्यांतर्फे ज्येष्ठ ज्ञाती बंधू व भगिनींचा सत्कार प्रमुख पाहुणे सिंधुदुर्ग जिल्हा तेली समाज उन्नती मंडळाचे अध्यक्ष तुकाराम तेली यांच्या हस्ते होणार आहे. यावेळी प्रमुख वक्ते माजी जिल्हाध्यक्ष उद्योगपती एकनाथ तेली उपस्थित राहणार आहेत. सायंकाळी भजनाचा कार्यक्रम होणार आहे. सावंतवाडी तेली समाज उत्कर्ष मंडळाचे अध्यक्ष श्याम निवेलकर, सचिव महादेव आजगावकर, कार्याध्यक्ष कृष्णा तेली, उपाध्यक्ष दिनकर तेली यांनी सर्वांना उपस्थित राहण्याचे आवाहन केले आहे.
.................
11119

परुळे श्री वराठी देवीचा
आज वार्षिक जत्रोत्सव
म्हापण, ता. १६ ः परुळे बाजार येथील श्री देवी वराठीचा वार्षिक जत्रोत्सव उद्या (ता. १७) साजरा होत आहे. यानिमित्ताने विविध धार्मिक कार्यक्रम आयोजित करण्यात आले आहेत. सकाळी पूजा, दिवसभर ओटी भरणे कार्यक्रम, रात्री प्रदक्षिणा, त्यानंतर कलेश्वर दशावतार नाट्य मंडळ (कै. बाबी कलिंगण) नेरूर यांचा नाट्यप्रयोग होणार आहे. याचा भाविकांनी लाभ घ्यावा, असे आवाहन करण्यात आले आहे.