swt181.jpg
11514
पुणे ः खडकवासला येथील राष्ट्रीय संरक्षण प्रबोधिनी येथे सैनिकांच्या दीक्षांत समारंभाच्या संचलनाचा विद्यार्थ्यांसोबत आनंद घेताना बॅ. नाथ पै शिक्षण संस्थेचे चेअरमन उमेश गाळवणकर व प्राध्यापक वर्ग.

‘नाथ पै’च्या मुलांनी घेतला
राष्ट्रीय संचलनाचा आनंद
सकाळ वृत्तसेवा
कुडाळ, ता. १८ ः येथील बॅ. नाथ पै सेंट्रल स्कूलच्या एनसीसी कॅडेट्सनी राष्ट्रीय संरक्षण प्रबोधिनी एनडीए, खडकवासला, पुणे येथे झालेल्या पासिंग आऊट परेडचा दिमाखदार सोहळा अनुभवला. शिस्तबद्ध, दिमाखदार व डोळ्यांचे पारणे फेडणाऱ्या कार्यक्रमात सहभागी होण्याचा मान या विद्यार्थ्यांनी पटकावला. सकाळी सात वाजता संचलनाला सुरुवात झाली. सुमारे तीन तासांचे व १८ पथकांचे संचलन तसेच हवाई दलाची चहूबाजूंनी होणारी कसरत पाहून विद्यार्थी भारावले. या सोहळ्यात एनसीसीच्या ४० विद्यार्थ्यांच्या पथकाने सहभाग घेतला. या पथकासोबत संस्थाध्यक्ष उमेश गाळवणकर, प्रशालेच्या प्राचार्या चैताली बांदेकर, शिक्षिका प्रीती म्हाडदळकर, ज्येष्ठ क्रीडा शिक्षक रोहिदास राणे, श्री. साईश, ऋतुजा निबरे, व्यंकटेश भंडारी, व शिक्षक पालक संघाचे सदस्य विठोबा सावंत उपस्थित होते. या शैक्षणिक सहलीसाठी सिंधुदुर्गाचे माजी अपर जिल्हाधिकारी मंगेश जोशी, अपर जिल्हाधिकारी यांचे स्वीय सहाय्यक विठोबा सावंत यांचे मोलाचे सहकार्य लाभले.
.....................
swt182.jpg
11515
तळवणे ः शाळेला मिक्सर सुपूर्द करताना मान्यवर.

बॅंक ऑफ इंडियाकडून
तळवणे शाळेला मिक्सर
सकाळ वृत्तसेवा
आरोंदा, ता. १८ ः जिल्हा परिषद पूर्ण प्राथमिक शाळा तळवणे क्र. १ शाळेस बँक ऑफ इंडिया आरोंदा शाखेच्या वतीने मिक्सर देण्यात आला. याप्रसंगी बँकेचे शाखाधिकारी जॉन डिकुना, रोहित उरकुडे, अक्षय नाईक उपस्थित होते. पांडुरंग नवार यांचे यासाठी विशेष सहकार्य लाभले. शाळेच्या वतीने उपस्थितांचे स्वागत करण्यात आले. बँकेने केलेल्या सहकार्यामुळे शिक्षक व पालकवर्ग यांनी बँकेचे आभार मानले. यावेळी शाळेचे शिक्षक युवराज गोसावी, बापूशेट कोरगावकर, शिवाजी कवडे उपस्थित होते.