रत्नागिरीत बुधवारी भीमा कोरेगाव विजयदिन
रत्नागिरी, ता. २८ : रत्नागिरी शहरात भीमा कोरेगाव विजयदिन आणि थिबा राजा जयंतीचे आयोजन करण्यात आले आहे. हा संयुक्त कार्यक्रम थिबाराजा कालीन बुद्धविहार बचाव संघर्ष समिती (ता. जि. रत्नागिरी) यांच्या वतीने १ जानेवारी २०२६ साजरा केला जाणार आहे. सामाजिक समतेचा, स्वाभिमानाचा आणि ऐतिहासिक लढ्याचा वारसा जपणाऱ्या या दिनाचे औचित्य साधून विविध अभिवादनपर कार्यक्रमांचे आयोजन केले आहे.
कार्यक्रमाची सुरवात सकाळी १०.३० वाजता शिवाजीनगर येथील थिबा राजा यांच्या समाधीस्थळी पुष्प अर्पणाने होणार आहे. त्यानंतर सकाळी ११ वाजता डीएसपी बंगल्याशेजारी असलेल्या थिबा राजाकालीन बुद्धविहारात बुद्धवंदना घेतली जाणार आहे. ११.३० वाजता डॉ. बाबासाहेब आंबेडकर यांच्या पुतळ्याजवळ भीमा कोरेगाव विजयस्तंभाच्या प्रतिकृतीस अभिवादन करण्यात येईल. या कार्यक्रमांचा समारोप दुपारी १२ वाजता डॉ. बाबासाहेब आंबेडकर स्मारक भवन येथे आयोजित अभिवादन सभेने होणार आहे. नागरिकांनी उपस्थित राहावे, असे आवाहन थिबा राजाकालीन बुद्धविहार बचाव संघर्ष समितीने केले आहे.