कुडाळ हायस्कूलच्या संघाला
आट्यापाट्या स्पर्धेत ‘सुवर्ण’

कुडाळ, ता. ३० ः क.म.शि.प्र. मंडळ संचलित कुडाळ हायस्कूल ज्युनिअर कॉलेजच्या १४ वर्षांखालील मुलींच्या संघाने आट्यापाट्या विभागीय स्पर्धेत कोल्हापूर, सांगली, सातारा, रत्नागिरी या दिग्गज संघांना नमवून विभागीय स्पर्धेत सुवर्णपदक प्राप्त केले. हा संघ धाराशिव येथे होणाऱ्या राज्यस्तरीय स्पर्धेसाठी पात्र ठरला.
१४ वर्षांखालील मुलींच्या विजेत्या संघात कर्णधार लावण्या गावडे, जैलेशा तेजम, जुई चव्हाण, सुष्टी शेटकर, वैदवी कर्पे, स्वरा जाधव, शालिनी दळवी, वैभवी राणे, रोशनी कदम, दुर्वा देसाई, तनया घोगळे, चित्राली कुंभार या खेळाडूंचा समावेश होता. तसेच १९ वर्षांखालील मुलींचा संघ कांस्यपदक विजेत्या झाला. या संघाची कर्णधार तन्वी बांबुळकर, ज्योती चव्हाण, मैमोनिसा शहा, कार्तिका परब, मनस्वी पाटील, प्रीती बावकर, पूर्वा सावंत, नम्रता गोसावी, दुर्वा पाटील, दिव्या आगलावे, दिया परब, हर्षदा तेली या खेळाडूंचा समावेश होता. ज्येष्ठ क्रीडा शिक्षक विजय मयेकर, रामचंद्र खाकर यांनी मार्गदर्शन केले. उपकार्याध्यक्ष अरविंद शिरसाट, का.आ.सामंत, आनंद वैद्य, सुरेश चव्हाण, महेंद्र गवस, मुख्याध्यापक विपिन वराडे, उपमुख्याध्यापक प्रवीण भोगटे, उपप्राचार्य नारायण साळवी, पर्यवेक्षक रंजन तेली, क्रीडा शिक्षक अनिल पोवार यांनी अभिनंदन केले.