rat30p28.jpg-
14447
रत्नागिरी : जिल्हास्तरीय जलतरण स्पर्धेत समर्था साळवीला बक्षीस देताना मान्यवर. सोबत अॅड. रूचिरा साळवी.

दोन वर्षे तीन महिन्यांच्या समर्थाचे
जिल्हास्तरीय जलतरण स्पर्धेत सुयश
रत्नागिरी, ता. ३० : जिल्हास्तरीय जलतरण स्पर्धेत मालगुंड येथील २ वर्ष ३ महिन्यांच्या समर्था साळवी हिने पाच वर्षीय गटात द्वितीय क्रमांक पटकावून सर्वांचे लक्ष वेधले. रत्नागिरी जिल्हा जलतरण असोसिएशन आणि अॅक्वा टेक्निक्स स्विमिंग अकादमीतर्फे जलतरण स्पर्धा नुकतीच शासकीय जलतरण तलावात झाली. जिल्ह्यातून सुमारे १२० स्पर्धकांनी यात सहभाग घेतला. समर्थाला स्विमिंग कोच विवेक विलणकर यांचे बहुमोल मार्गदर्शन मिळाले. स्पर्धेतील सर्वात लहान मुलगी समर्था होती. विशेष म्हणजे गेल्या पाच महिन्यांपासून ती सातत्याने सराव करत आहे. तिची आई अॅड. रूचिरा यांनी प्रोत्साहन दिले.