राष्ट्रीय दानपट्टा स्पर्धेत
आंजर्ले स्कूलचे सुयश
गावतळे, ता. ३१ ः नाशिक येथे झालेल्या पहिल्या राष्ट्रीय दानपट्टा अजिंक्यपद स्पर्धेत दापोली तालुक्यातील आंजर्ले येथील एम. के. इंग्लिश स्कूलच्या विद्यार्थ्यांनी उत्कृष्ट यश मिळवले. या स्पर्धेत पाच राज्यांतील ३६४ खेळाडू सहभागी झाले होते. आंजर्ले शाळेच्या श्रेयस गणेश राऊत (१४ वर्षाखालील गट) याने एक सुवर्ण व एक रौप्यपदक पटकावले, तर नैतिक मंगेश बाईत (१६ वर्षाखालील गट) याने एक रौप्यपदक मिळवले. या यशस्वी खेळाडूंना चिन्मय सुधीर गुरव, मर्दानी खेळ प्रशिक्षक (रत्नागिरी जिल्हा) यांचे मार्गदर्शन लाभले. विद्यार्थ्यांच्या या यशाबद्दल आंजर्ले शिक्षण संस्था, शाळा प्रशासन व पालकांकडून अभिनंदन करण्यात आले.