14883

सुकळवाड केंद्रशाळेत
सीसीटीव्हीचे लोकार्पण
सकाळ वृत्तसेवा
मालवण, ता. १ : जिल्हा परिषद केंद्र शाळा सुकळवाड येथे मुख्यमंत्री समृद्ध पंचायतराज अभियानांतर्गत ग्रामपंचायत कार्यक्षेत्रात सुरक्षितता आणि नियंत्रण राखण्यासाठी उद्योजक केशव भिसे यांच्या सहकार्यातून आणि लोकसहभागातून ८ सीसीटीव्ही कॅमेरे बसवण्यात आले. या प्रणालीचा लोकार्पण सोहळा बुधवारी (ता. ३१) उत्साहात पार पडला. कार्यक्रमाचे प्रमुख पाहुणे श्री. भिसे यांच्या हस्ते फीत कापून या सीसीटीव्ही प्रणालीचे लोकार्पण करण्यात आले. उपसरपंच किशोर पेडणेकर, ग्रामपंचायत सदस्य विशाल वाळके, शाळा व्यवस्थापन समिती अध्यक्ष सुनील पाताडे, मुख्याध्यापक श्री. नांदोसकर, ग्रामपंचायत अधिकारी वेदिका गोसावी, समिती सदस्य प्रकाश पावसकर, प्रसाद मोरजकर, शिक्षक श्री. बाचीपळे, अंगणवाडी सेविका धनश्री पडते, ग्रामस्थ पंढरी पाताडे, प्रवीण मोरजकर, ग्रामरोजगार सहायक प्रदीप पाताडे, अंगणवाडी मदतनीस दीपाली पेडणेकर, ग्रामपंचायत कर्मचारी अक्षय पाताडे आदी उपस्थित होते. या उपाययोजनेमुळे संपूर्ण शाळा परिसर आता निगराणी कक्षेत आल्याने उपस्थित सर्व मान्यवरांनी व पालकांनी समाधान व्यक्त केले. उद्योजक भिसे यांच्या सामाजिक कार्याचे कौतुक केले जात आहे.