ratchl३२.jpg ः
२६O१५३६८
चिपळूण ः स्पर्धेतील विजेत्या सराफ हायस्कूलला गौरवताना पदाधिकारी.
----
शालेय प्रश्नमंजूषेला उत्स्फूर्त प्रतिसाद
जय भवानी मित्रमंडळ, रोटरॅक्टचा उपक्रम
सकाळ वृत्तसेवा
चिपळूण, ता. ३ ः जय भवानी मित्रमंडळ घाणेखुंट व रोटरॅकट क्लब लोटे यांच्यावतीने एक आगळावेगळा उपक्रम घेण्यात आला. रोटरॅक्टचे सदस्य विक्रम पवार याच्या संकल्पनेतून पंचक्रोशीच्या शाळांमधील पाचवी ते सातवीच्या विद्यार्थ्यांसाठी शालेय प्रश्नमंजूषा स्पर्धा घेण्यात आली. यामध्ये एकूण ७ शाळांमधील प्रत्येकी २ प्रमाणे १४ विद्यार्थ्यांनी सहभाग घेतला.
ही स्पर्धा तीन फेरीमध्ये घेण्यात आली. प्रत्येक शाळेतील मुलांना पाच प्रश्न विचारण्यात आले. झटपट राऊंड, बझर सिस्टिम, बोनस राउंड अशा रंगतदार पद्धतीने अनेक शिक्षणप्रेमी व ग्रामस्थांच्या उपस्थितीत पार पडली. ही स्पर्धा विक्रम पवार यांचे वडील कै. गजानन बाबू पवार यांच्या स्मरणार्थ भरवण्यात आली. ही स्पर्धा भरवून स्थानिक मुलांना एक वेगळी दिशा देऊन व्यासपीठ उपलब्ध व्हावे. शालेय विद्यार्थ्यांना मोबाईल युगात शालेय पाठ्यपुस्तकात अधिक रस निर्माण व्हावा, या हेतूने हा उपक्रम घेतल्याचे पवार यांनी सांगितले. स्पर्धेत कविता विनोद सराफ विद्यालय शाळेने प्रथम क्रमांक मिळवला. त्यांना रोख रक्कम, सन्मानचिन्ह देऊन गौरवण्यात आले. सहभागी सर्व स्पर्धकांना सन्मानचिन्ह व शैक्षणिक साहित्य देऊन गौरवण्यात आले.