rat4p28.jpg-
15567
दानिश पाटणकर
----------

दानिश पाटणकर यांना
सीए पदवी प्रदान
राजापूर, ता. ४ः राजापूर येथील दानिश मजीद पाटणकर यांनी ‘चार्टर्ड अकाऊंटंट’ (सीए) या देशातील अत्यंत कठीण समजल्या जाणाऱ्या परीक्षेत यश संपादन केले आहे. ही प्रतिष्ठेची पदवी मिळवणारे दानिश हे राजापूर शहरातील पहिले मुस्लिम सीए ठरले आहेत.
मुंबईतील वांद्रे-कुर्ला संकुल येथे ‘इन्स्टिट्यूट ऑफ चार्टर्ड अकाउंटंट्स ऑफ इंडिया’च्या वतीने नुकत्याच झालेल्या दिक्षांत समारंभात दानिश पाटणकर यांना अधिकृतपणे सीए पदवी प्रदान करण्यात आली. सीएचा अभ्यासक्रम हा त्याच्या काठिण्यपातळीसाठी ओळखला जातो. यासाठी लागणारी प्रचंड एकाग्रता, अहोरात्र कष्ट आणि सातत्य दानिश यांनी दाखवून दिले. दानिश यांच्या या यशामुळे त्यांचे वडील मजीद पाटणकर आणि पाटणकर कुटुंबाचे स्वप्न आज सत्यात उतरले आहे. राजापूरचे पहिले मुस्लिम सीए होण्याचा बहुमान मिळाल्याने समाजातील सर्व स्तरांतून त्यांचे कौतुक होत आहे.