15666

ओरोसमध्ये योगोपचार शिबिराला प्रतिसाद
बांदा ः फिटनेस योग अकादमी सिंधुदुर्गतर्फे ओरोस येथे संयुक्त योगोपचार शिबिराचे उद्‍घाटन करण्यात आले. राखीव पोलिस निरीक्षक रामदास पालशेतकर, अध्यक्षस्थानी राष्ट्र सेवा पुरस्कार प्राप्त योग शिक्षक शेखर बांदेकर यांची प्रमुख उपस्थिती होती. अकादमीचे संस्थापक सदस्य रवींद्र प्रभूदेसाई, विशाल लातये, शिवसेना तालुका प्रमुख रेवती राणे, योगिता आरोसकर उपस्थित होते. बांदेकर यांनी योगाभ्यासाचे मार्गदर्शन केले. यामध्ये सूर्यनमस्कार, विविध योगासने, सूक्ष्म व्यायाम तसेच प्राणायाम यांचा समावेश होता. शिबिराच्या पहिल्याच दिवशी सुमारे ४० योगसाधकांनी उत्स्फूर्त सहभाग नोंदविला. पोलिस हवालदार शैलेश मेस्त्री यांनी सूत्रसंचालन केले. गणेशोत्सव हॉलच्या व्यवस्थापनाने या शिबिरासाठी सभागृहासह इतर सुविधा दिल्या.