15893

सावंतवाडी नगरपरिषद संघ
व्हॉलीबॉल स्पर्धेत विजेता

सावंतवाडी, ता. ७ ः पोलिस स्थापना दिनाचे औचित्य साधून येथील पोलिस ठाणे आवारात आयोजित निमंत्रितांच्या व्हॉलीबॉल स्पर्धेत सावंतवाडी नगरपरिषद संघाने अजिंक्यपद पटकावले. अत्यंत चुरशीच्या झालेल्या या स्पर्धेत महसूल विभागाचा संघ उपविजेता ठरला.
सावंतवाडी तहसीलदार श्रीधर पाटील यांच्या हस्ते स्पर्धेचे उद्‍घाटन झाले. यावेळी पोलिस निरीक्षक अमोल चव्हाण व प्रशासनातील अधिकारी, विविध विभागांचे प्रतिनिधी उपस्थित होते. शासकीय विभागांमधील समन्वय वाढावा आणि खेळाडूवृत्ती जोपासली जावी, या उद्देशाने या स्पर्धेचे आयोजन करण्यात केले होते. या स्पर्धेत प्रशासनातील विविध विभागांचे सहा प्रमुख संघ सहभागी झाले. त्यामध्ये पत्रकार संघ, महसूल विभाग, पोलिस विभाग, नगरपरिषद, वनविभाग व स्थानिक संघ समावेश होता. अंतिम फेरीत नगरपरिषद आणि महसूल विभाग यांच्यात जोरदार लढत पाहायला मिळाली. अखेर नगरपरिषदेच्या संघाने उत्कृष्ट खेळाच्या जोरावर विजेतेपदावर नाव कोरले.