रावराणे महाविद्यालयात आज
‘तणाव व्यवस्थापन’ कार्यशाळा

सकाळ वृत्तसेवा
वैभववाडी, ता. ७ ः येथील आनंदीबाई रावराणे महाविद्यालयात उद्या (ता. ८) ‘तणाव व्यवस्थापन आणि आत्महत्या प्रतिबंध’ या विषयावर एकदिवसीय कार्यशाळेचे आयोजन केले आहे. विद्यार्थ्यांमध्ये वाढणारा मानसिक तणाव हाताळण्याच्या प्रभावी पद्धती तसेच आत्महत्येपासून प्रतिबंधासाठी आवश्यक जनजागृती या विषयावर तज्ज्ञ मार्गदर्शक मार्गदर्शन करणार आहेत.
या कार्यशाळेत रत्नागिरी येथील गोगटे जोगळेकर महाविद्यालयाचे मानसशास्त्र विभागप्रमुख प्रा. बिना शेटे-कळबंटे, पंचम खेमराज महाविद्यालय सावंतवाडीचे प्रा. राजेंद्र शिंत्रे हे तणाव ओळखणे, त्यावर उपाययोजना, सकारात्मक जीवनशैली, समुपदेशनाचे महत्त्व व आत्महत्या प्रतिबंधासाठी घ्यावयाच्या खबरदारी याबाबत सविस्तर मार्गदर्शन करणार आहेत. या कार्यक्रमास विद्यार्थी, शिक्षक व प्राध्यापक उपस्थित राहणार असून, कार्यशाळेमुळे विद्यार्थ्यांच्या मानसिक आरोग्याबाबत जागरूकता वाढण्यास मदत होणार आहे. या प्रशिक्षण कार्यक्रमाला संस्था पदाधिकारी उपस्थित राहणार आहेत. या कार्यशाळेला विद्यार्थी व पालकांनी मोठ्या संख्येने उपस्थित राहावे, असे आवाहन प्र. प्राचार्य डॉ. एन. व्ही. गवळी व मानसशास्त्र विभाग प्रमुख डॉ. आर. एम. गुलदे यांनी केले आहे.