16134

बांदा मराठा समाजातर्फे
आनंद गवस यांचा सत्कार

बांदा, ता. ९ ः सिंधुदुर्ग जिल्हा सॉ मिल असोसिएशनच्या अध्यक्षपदी निवड झाल्याबद्दल बांदा मराठा समाजाच्यावतीने माजी उपाध्यक्ष उद्योजक आनंद गवस यांचा शाल, श्रीफळ व पुष्पगुच्छ देऊन सत्कार करण्यात आला. गवस हे गेल्या अनेक वर्षांपासून सॉ मिल व्यवसायात सक्रिय आहेत.
जिल्हास्तरावर नेतृत्व करण्याची जबाबदारी त्यांच्याकडे आल्याने बांदा परिसरासह मराठा समाजात समाधान व्यक्त करण्यात येत आहे. यापूर्वी त्यांनी मंडळात उपाध्यक्षपदाची जबाबदारी समर्थपणे पार पाडत सामाजिक कार्यातही योगदान दिले आहे. त्यांच्या या निवडीबद्दल उपस्थित मान्यवरांनी अभिनंदन केले. यावेळी बांदा मराठा समाजाचे अध्यक्ष विराज परब, माजी अध्यक्ष नीलेश मोरजकर, सचिव आनंद वसकर, सहसचिव हेमंत मोर्ये-सावंत, ग्रामपंचायत सदस्य रत्नाकर आगलावे, अक्षय परब, प्रभाकर गावकर, माजी खजिनदार राकेश परब, जय पटेकर-सावंत, मनोज सावंत आदी उपस्थित होते.