शीळमध्ये १७ ला अखंड हरिनाम सप्ताह
राजापूर, ता. ११ : शहरानजीकच्या वारकरी सांप्रदाय मंडळ मौजे शीळच्यावतीने १७ जानेवारीला शीळ येथे सद्गुरू ह. भ. प. विश्वनाथ तथा भाई महाराज गोसावी यांच्या मार्गदर्शनाखाली अखंड हरिनाम सप्ताहाचे आयोजन करण्यात आले आहे. यानिमित्त अधात्मिक मार्गदर्शन, हरिपाठ, किर्तन, भजन आदी विविध कार्यक्रमांचे आयोजन करण्यात आले आहे.
त्यामध्ये सकाळी ८ वा. माऊली प्रतिमा पूजन, आरती, सकाळी ८.३० ते १०.३० वा. या वेळात हरिपाठ व मौजे शीळ वारकरी संप्रदाय मंडळाचे भजन, सकाळी १०.३० ते ११.३० वा. आंगले सरवणकरवाडी यांचे वारकरी भजन, दुपारी ११.३० ते दुपारी १.०० वा. प्रवचन, दुपारी १ ते २ वा. महाप्रसाद, दुपारी २ ते ३ वा. सुश्राव्य गायन, दुपारी ३ ते ४ वा. भजन, सायं. ४ ते ५ वा. हळदीकुंकू व विजय बाईत यांचे प्रवचन, सायंकाळी ५ ते ७ वा. हरिपाठ, तर सायं. ७ त ९ या वेळात कीर्तन होणार आहे.