-rat१२p४०.jpg-
२६O१७१९५
आदित्य भट यांचे पुरस्कारप्राप्त छायाचित्र.
-rat१२p४१.jpg-
२६O१७१९६
आदित्य भट
----
तहानलेल्या मुंगीचे छायाचित्र प्रथम
राज्यस्तरीय स्पर्धा; आदित्य भट यांचा गौरव
सकाळ वृत्तसेवा
पावस, ता. १२ ः जागतिक छायाचित्रदिनानिमित्त यवतमाळ येथे आयोजित राज्यस्तरीय छायाचित्र स्पर्धेत हौशी गटातून रत्नागिरी तालुक्यातील पावस येथील आदित्य भट यांनी प्रथम क्रमांक पटकावला. ही स्पर्धा व्यावसायिक आणि हौशी अशा दोन गटात घेण्यात आली होती.
पावस येथील आदित्य भट यांच्या तहानलेली मुंगी या फोटोला प्रथम क्रमांक मिळाला आहे. याविषयी भट म्हणाले, मला लहानपणापासून फोटोग्राफीचा छंद आहे. त्याला कोरोना काळामध्ये गती प्राप्त झाली. त्या दरम्यान भरपूर मोकळा वेळ असल्यामुळे परिसरामध्ये निसर्गरम्य वातावरण असल्यामुळे फोटोग्राफीचा छंद चांगल्या प्रकारे जोपासता आला आणि त्यातूनच अनेक स्पर्धांमध्ये भाग घेऊन त्यामध्ये पारितोषिके प्राप्त झाल्यामुळे माझा उत्साह वाढला, अशा तऱ्हेने माझा फोटोग्राफीचा छंद जोपासत आहे.