rat१२p२०.jpg-
२६O१७१३९
दापोली ः बाजारपेठेतील मारुती मंदिरासमोरील पुलावर मडकी विक्रीसाठी विक्रेत्यांनी दुकाने थाटली असल्याचे दिसून येत आहे.
--------
मकर संक्रांतीसाठी सुगड खरेदीसाठी गर्दी
सकाळ वृत्तसेवा
दापोली, ता. १२ ः नव्या वर्षातील पहिला सण मकर संक्रांतीचे वेध दापोलीकरांना लागले आहेत. संक्रांतीसाठी सुगड पूजनासाठी लागणाऱ्या मातीच्या मडकी दापोली बाजारपेठेत दाखल झाली आहेत. बाजारपेठेतील ऐतिहासिक मारुती मंदिरासमोरील पुलावर मडकी विक्रेत्यांनी दुकाने थाटली आहेत. गेल्या दोन दिवसांपासून थंडीचा जोर वाढला असतानाही संक्रांतीच्या खरेदीसाठी शहरासह ग्रामीण भागातून नागरिक दापोलीत दाखल होत आहेत. विविध आकार, नक्षीने सजलेली सुगड बाजारात उपलब्ध आहेत. मारुती मंदिर परिसर मध्यवर्ती असल्याने दरवर्षी येथे चांगली विक्री होते. यंदाही सकाळपासूनच ग्राहक येत आहेत.