खेड उपनगराध्यक्षपदी
सतीश चिकणे बिनविरोध
खेड, ता. १२ : खेड पालिकेच्या उपनगराध्यक्षपदी शिवसेनेचे नगरसेवक सतीश चिकणे यांची बिनविरोध निवड करण्यात आली. तसेच स्वीकृत नगरसेवकपदी संजय मोदी आणि मिनार चिखले यांची निवड जाहीर केली आहे.
खेड पालिकेत महायुतीने २१ – ० असा ऐतिहासिक विजय मिळवत एकहाती सत्ता स्थापन केली आहे. या भक्कम बहुमतामुळे उपनगराध्यक्षपदासाठी शिवसेनेच्या उमेदवाराची निवड सहज आणि बिनविरोध झाली. या वेळी नगराध्यक्षा माधवी बुटाला, शिवसेना गटनेते निकेतन पाटणे, तसेच शिवसेनेचे सर्व नगरसेवक मोठ्या संख्येने उपस्थित होते. याशिवाय शहरप्रमुख कुंदन सातपुते, नवनिर्वाचित स्वीकृत नगरसेवक संजय मोदी, मिनार चिखले यांच्यासह अनेक शिवसैनिक उपस्थित होते.