- ratchl१४१.jpg-
२६O१७७२७
चिपळूण ः राज्य शैक्षणिक संशोधन व प्रशिक्षण परिषद विविध स्पर्धांमध्ये विभागीय स्तरावर यशस्वी शिक्षकांचे अभिनंदन करताना प्राचार्य संजय वरेकर व शिक्षक.
---
‘सती’च्या नऊ शिक्षकांची उज्वल कामगिरी
सकाळ वृत्तसेवा
चिपळूण, ता. १४ ः राज्य शैक्षणिक संशोधन व प्रशिक्षण परिषद महाराष्ट्र, पुणे यांच्यावतीने आयोजित विविध शिक्षक स्पर्धांमध्ये न्यू इंग्लिश स्कूल व ज्युनिअर कॉलेज खेर्डी चिंचघरी सती विद्यालयातील नऊ शिक्षकांनी उल्लेखनीय कामगिरी केली. विभागीय पातळीवर त्यांनी शैक्षणिक कामकाजाचा ठसा उमटवला.
विविध विभागीय स्पर्धांमध्ये पुस्तक परीक्षण स्पर्धेत ग्रंथपाल पवार, पोस्टर मेकिंग स्पर्धेत कलाशिक्षक तुकाराम पाटील, गणित-विज्ञान जादूगार स्पर्धेत आनंद भुवड, वादविवादामध्ये प्रा. राजेंद्र पवार, विविध क्लब सादरीकरणात राजश्री सावंत, लोकनृत्य प्रकारात गार्गी मेस्त्री, केथॉन स्पर्धेत शिवाजी पाटील, मानसिक क्षमता चाचणीत रूपाली भुवड, एमएस वर्ड व एक्सेल प्रकारात अनंत डिके यांनी सर्वोत्तम कामगिरी केली. या शिक्षकांनी आपले शैक्षणिक कौशल्य, नवोपक्रमशीलता आणि अध्यापनातील सर्जनशीलता सिद्ध करून विद्यालयाचा नावलौकिक वाढवला आहे. सहभागी शिक्षकांनी आपल्या अनुभवाच्या जोरावर विद्यार्थीकेंद्रित अध्यापन पद्धती, राष्ट्रीय शिक्षण धोरणाशी सुसंगत उपक्रम तसेच गुणवत्तावाढीचे अभिनव प्रयोग प्रभावीपणे मांडले. त्यामुळे विभागीय स्तरावर विद्यालयाचे प्रतिनिधित्व सती विद्यालयाने यशस्वीपणे केले. या स्पर्धा डाएट कॉलेज सातारा, कोल्हापूर, सिंधुदुर्ग या ठिकाणी घेण्यात आल्या होत्या. या कामगिरीबद्दल संस्थेचे कार्याध्यक्ष, आमदार शेखर निकम, सचिव महेश महाडिक, ज्येष्ठ संचालक शांताराम खानविलकर, सह्याद्री कॉम्पिटिटिव्ह एक्झामचे अध्यक्ष अनिरूद्ध निकम, सर्व पदाधिकारी, मुख्याध्यापक संजय वरेकर, उपमुख्याध्यापिका सुलोचना जगताप, शिक्षक, शिक्षकेत्तर कर्मचाऱ्यांनी अभिनंदन केले.