swt1519.jpg
17941
साटेली भेडशी ः येथील जिल्हा परिषद प्राथमिक शाळेत शिष्यवृत्ती सराव परिक्षेच्या उद्धघाटन करताना उपशिक्षणाधिकारी शोभराज शेर्लेकर. सोबत शिक्षक.

शिक्षक समितीचे कार्य दीपस्तंभाप्रमाणे
शोभराज शेर्लेकर ः ''शिष्यवृत्ती सराव''ला जिल्ह्यात उत्स्फूर्त प्रतिसाद
सकाळ वृत्तसेवा
सिंधुदुर्गनगरी, ता. १५ ः शिक्षक समितीचे कार्य शिक्षक व विद्यार्थ्यांसाठी दीपस्तंभाप्रमाणे असल्याचे उपशिक्षणाधिकारी शोभराज शेर्लेकर यांनी समितीच्या जिल्हास्तरीय मोफत शिष्यवृत्ती सराव परिक्षेच्या उद्धघाटन प्रसंगी केले.
महाराष्ट्र राज्य प्राथमिक शिक्षक समिती जिल्हा सिंधुदुर्गच्या वतीने सिंधुदुर्गातील आठ तालुक्यांमध्ये १४४ केंद्रावर २९३४ विद्यार्थ्यांची पाचवी मोफत शिष्यवृत्ती सराव परीक्षा आज झाली. याचे जिल्हास्तरीय उद्घाटन दोडामार्ग तालुक्यातील जिल्हा परिषद प्राथमिक शाळा साटेली भेडशी येथे श्री. शेर्लेकर यांच्या हस्ते झाले. ते म्हणाले, "शिक्षक समिती ही संघटना शिक्षक व विद्यार्थ्यांसाठी दीपस्तंभाप्रमाणे कार्य करीत आहे. ज्याप्रमाणे ती शिक्षकांच्या विविध प्रश्नांसाठी लढा देते त्याचप्रमाणे विद्यार्थ्यांसाठी सुद्धा सराव परीक्षेसारखे अनेक उपक्रम राबविते, हे निश्चितच कौतुकास्पद आहे." यावेळी जिल्हाध्यक्ष विठ्ठल गवस यांनी शिक्षक समितीच्या शिक्षक व विद्यार्थ्यांसाठी असणाऱ्या विविध उपक्रमांबाबत माहिती दिली तसेच विद्यार्थ्यांना शुभेच्छा दिल्या. अशोक भोसले यांनी सूत्रसंचालन केले तर महेश काळे यांनी आभार मानले.
यावेळी जिल्हा सरचिटणीस तुषार आरोसकर, केंद्रप्रमुख सूर्यकांत नाईक, सुधीर जोशी, अंजली जोशी, तालुकाध्यक्ष महेश काळे, जिल्हा कार्यकारणी सदस्य अशोक भोसले, मुख्याध्यापिका श्रीमती पालव तसेच प्रभागातील शिक्षक, विद्यार्थी उपस्थित होते.