- rat१६p२२.jpg-
P२६O१८२००
निकिता कोळी

निकिता कोळी यांना ‘यूथ आयकॉन अॅवॉर्ड’
सकाळ वृत्तसेवा
रत्नागिरी, ता. १६ ः येथील आयुर्वेदतज्ज्ञ वैद्य निकिता कोळी यांना विश्वगुरू संवाद संस्थेच्यावतीने १० आणि ११ जानेवारी रोजी छत्रपती संभाजीनगर, महाराष्ट्र येथे आयोजित राष्ट्रीय चर्चासत्रात आयुर्वेद महिला नेतृत्व आयकॉन पुरस्कार २०२६ ने सन्मानित करण्यात आले. आयुर्वेद क्षेत्रातील नेतृत्व, शिक्षण, चिकित्सक सेवा व जागतिक पातळीवरील योगदानाबद्दल त्यांची या पुरस्कारासाठी निवड करण्यात आली. हा पुरस्कार अग्निकर्म तज्ज्ञ वैद्य चंद्रकुमार देशमुख यांच्या हस्ते प्रदान करून गौरवण्यात आले.
वैद्य निकिता कोळी या कन्सल्टंट आयुर्वेदिक फिजिशियन व गर्भसंस्कार तज्ज्ञ असून, आयुर्वेद केवळ उपचारपद्धती न राहता जीवनशैली म्हणून जनसामान्यांपर्यंत पोहोचवण्यासाठी त्या सातत्याने कार्यरत आहेत. प्रीकन्सेप्शन केअर, गर्भसंस्कार, गर्भिणी परिचर्या, सूतिका परिचर्या, बाळसंस्कार, आयुर्वेदिक कॉस्मेटोलॉजी, होलिस्टिक हेल्थ व वेलनेस या विषयांत त्यांचे विशेष कार्य उल्लेखनीय आहे. त्यांनी के. एल. ई. विद्यापीठ, बेळगाव, कर्नाटक येथून बॅचलर्स ऑफ आयुर्वेद मेडिसीन अॅन्ड सर्जरी पदवी प्राप्त केली असून, सध्या अळवास आयुर्वेद मेडिकल विद्यापीठ, मंगळूर कर्नाटक येथे एमडी (स्वस्थवृत्त आणि योगा) पदव्युत्तर शिक्षण घेत आहेत.