स्वतःसाठी नको, इतरांसाठी जगा
यजुवेंद्र महाजन ः गोविंदराव निकम जयंती महोत्सव
सकाळ वृत्तसेवा
सावर्डे, ता. १९ : फक्त स्वतःसाठी जगणे म्हणजे जिवंत असूनही मृतासारखे आहे. इतरांसाठी जगणे म्हणजे खऱ्या अर्थाने जिवंत असणे होय, असा संदेश प्रमुख वक्ते यजुवेंद्र महाजन यांनी दिला. ते स्व. गोविंदराव निकम जयंती महोत्सव प्रमुख वक्ते म्हणून बोलत होते.
या वेळी अभिनेत्री गार्गी फुले थत्ते, सह्याद्री पुरस्कार विजेते संजीव करपे, आमदार शेखर निकम, शांताराम खानविलकर, मारोतराव घाग, मानसिंग महाडिक, महेश महाडिक, प्रशांत निकम, चित्रकार प्रकाश राजेशिर्के आदी उपस्थित होते. तुम्ही मनुष्य म्हणून जन्माला आला असाल, तर काहीतरी विशेष करूनच जा, हा स्वामी विवेकानंद यांचा संदेश महाजन यांनी प्रभावी उदाहरणांसह मांडला. आपल्या विचारांवरच आपल्या आयुष्याची दिशा ठरते. योग्य संगत, व्यापक स्वप्ने आणि धाडसी कृती या त्रिसूत्रीवर त्यांनी भर दिला. तुषार बिजितकर यांनी सूत्रसंचालन केले.