-rat१८p२९.jpg-
२६O१८६४५
डॉ. ऋता मुल्हेरकर
----
डॉ. ऋता मुल्हेरकर यांना दिल्लीचे आमंत्रण
प्रजासत्ताक दिन सोहळ्यात पाहुण्या ; नामवंत शास्त्रज्ज्ञांचा समावेश
सकाळ वृत्तसेवा
चिपळूण, ता. १९ : डेरवण येथील वालावलकर वैद्यकीय महाविद्यालयातील ज्येष्ठ शास्त्रज्ञ डॉ. ऋता मुल्हेरकर यांना दिल्लीतील प्रजासत्ताक दिन सोहळ्यासाठी विशेष पाहुण्या म्हणून निमंत्रित करण्यात आले आहे.
ज्येष्ठ शास्त्रज्ञ डॉ. ऋता मुल्हेरकर यांना जैवतंत्रज्ञान विभाग आणि बायोटेक्नॉलॉजी इंडस्ट्री रिसर्च असिस्टन्स कौन्सिल यांच्या बायोटेक्नॉलॉजी फॉर इकॉनॉमी- एनव्हारमेंट अॅण्ड एप्लॉयमेंट उपक्रमांतर्गत दिल्ली येथे २६ जानेवारीला आयोजित प्रजासत्ताक दिन सोहळ्यासाठी विशेष पाहुण्या म्हणून आमंत्रित करण्यात आले आहे. हे आमंत्रण डॉ. मुल्हेरकर यांच्या जैवतंत्रज्ञान व जैववैद्यकीय संशोधन क्षेत्रातील उल्लेखनीय योगदानाची दखल घेणारे आहे. प्रजासत्ताक दिन सोहळ्यात देशभरातील नामवंत शास्त्रज्ञ, संशोधक, नवोन्मेषक आणि धोरणकर्ते सहभागी होणार आहेत. डॉ. ऋता मुल्हेरकर यांची उपस्थिती ही त्यांच्या संशोधन कार्याची तसेच राष्ट्राच्या विकासासाठी दिलेल्या योगदानाची पोचपावती आहे. डॉ. ऋता मुल्हेरकर या भारतातील ज्येष्ठ व नामवंत जैववैद्यकीय शास्त्रज्ञ आहेत. त्याचे मुखाचा आणि सर्व्हीकल कॅन्सर वरील जीन थिरपी संशोधनात अमूल्य योगदान आहे.