swt207.jpg
18986
माड्याचीवाडीः जिव्हाळा सेवाश्रम येथे फिजिओथेरपी शिबिर घेण्यात आले.

‘जिव्हाळा’ सेवाश्रमातील
वृध्दांची आरोग्य चिकित्सा
सकाळ वृत्तसेवा
कुडाळ, ता. २० ः बॅ. नाथ पै यांच्या ५५ व्या जयंतीनिमित्त सुरेश बिर्जे जीवन आधार चॅरिटेबल ट्रस्ट, पिंगुळी संचलित जिव्हाळा सेवाश्रम, माड्याचीवाडी येथे मोफत फिजिओथेरपी शिबिर पार पडले. हे शिबिर बॅ. नाथ पै संस्था, सिंधुदुर्ग, बॅ. नाथ पै फाउंडेशन फॉर कोकण डेव्हलपमेंट व जिव्हाळा सेवाश्रम यांच्यावतीने आयोजित करण्यात आले.
या शिबिरामध्ये वृद्ध, अपंग व गरजू रुग्णांना तज्ज्ञ डॉक्टरांच्या मार्गदर्शनाखाली मोफत फिजिओथेरपी उपचार देण्यात आले. अनेक रुग्णांनी या शिबिराचा लाभ घेतला. या कार्यक्रमास जिव्हाळा सेवाश्रमाचे अध्यक्ष सुरेश बिर्जे, सदस्य अरुण, सल्लागार समिती सदस्य जयप्रकाश प्रभू, भाविदास गावडे,  प्राजक्ता केळुसकर आदी उपस्थित होते.
कार्यक्रमाचे कौतुक करताना श्रीमती ओटवणेकर यांनी, जिव्हाळा सेवाश्रमामार्फत गरजू व दुर्लक्षित घटकांसाठी राबविले जाणारे सामाजिक उपक्रम कौतुकास्पद असून समाजासाठी प्रेरणादायी आहेत. बॅ. नाथ पै यांच्या सामाजिक विचारांना व कार्याला अभिवादन करण्याचा हा उपक्रम असून, भविष्यातही अशा प्रकारचे आरोग्यविषयक उपक्रम सातत्याने राबवावेत, अशी अपेक्षा व्यक्त केली.