swt2210.jpg
19418
श्री देव पाटेकर

तिरोडा येथे उद्या
वर्धापन दिन सोहळा
सकाळ वृत्तसेवा
आरोंदा, ता. २२ः तिरोडा खासेवाडी येथील श्री देव पाटेकर पंचायतन देवस्थानचा वार्षिक वर्धापन दिन शनिवारी (ता. २४) साजरा करण्यात येणार आहे. यानिमित्त दुपारी १ वाजता महाआरती व तीर्थप्रसाद, २ वाजता महाप्रसाद, ३.३० वाजता श्री देव पाटेकर तरुण मित्रमंडळ तिरोडा-खासेवाडी यांचे सुस्वर भजन, सायंकाळी ६.३० वाजता फटाक्यांची आतषबाजी, ७ वाजता श्री देव पाटेकर देवस्थानच्या वतीने सत्कार समारंभ व श्री देवी भवानी शंकर महाराज यांचे मार्गदर्शन, रात्री ८ वाजता अमृतनाथ दशावतार नाट्यमंडळ म्हापण (वेंगुर्ले-सिंधुदुर्ग) यांचा ‘गजमुख विघ्नेश्वर’ दशावतारी नाट्यप्रयोग होणार आहे. सर्व भाविकांनी या वर्धापन सोहळ्यास उपस्थित राहून कार्यक्रमांचा लाभ घ्यावा, असे आवाहन श्री देव पाटेकर पंचायतन देवस्थान तिरोडा-खासेवाडी, माजी राज्यमंत्री प्रवीण भोसले, श्री देव पाटेकर तरुण मित्रमंडळ व ग्रामस्थ यांनी केले आहे.