swt2212.jpg
19463
प्रतीक पवार, सिद्धी आरावंदेकर, सिद्धी सावंत, प्रणिता राऊळ, हर्षदा कुबल, सिध्दी सावंत

वक्तृत्व स्पर्धेमध्ये
प्रतीक पवार प्रथम
सकाळ वृत्तसेवा
म्हापण, ता. २२ ः सत्यशोधक विद्यार्थी संघटना, सत्यशोधक शिक्षक सभा आणि सत्यशोधक समता प्रतिष्ठान, सिंधुदुर्ग यांच्या संयुक्त विद्यमाने आयोजित सिंधुदुर्ग जिल्हास्तरीय वक्तृत्व स्पर्धा रविवारी (ता. १८) कणकवली येथे उत्साहात झाली.
''सामाजिक न्याय आणि भारतीय संविधान'' हा या स्पर्धेचा विषय होता. या विषयावर जिल्ह्यातील विविध भागांतील स्पर्धकांनी सहभाग घेतला. स्पर्धेचा निकाल अनुक्रमे असा ः प्रतीक पवार (वैभववाडी), श्रावणी आरावंदेकर (वेंगुर्ले), सिद्धी सावंत (सावंतवाडी), उत्तेजनार्थ प्रणिता राऊळ (वेंगुर्ले) व हर्षदा कुबल (कणकवली). स्पर्धेनिमित्त छत्रपती संभाजीनगर येथील इतिहास संशोधक आणि मार्क्सवाद फुले आंबेडकरवादाचे तत्त्वचिंतक डॉ. उमेश बगाडे यांचे विशेष व्याख्यान झाले. त्यांनी इतिहासाच्या संदर्भातून सत्यशोधक विचारधारेचे महत्त्व विशद केले. स्पर्धेसाठी संपत देसाई (आजरा), प्रा. गोविंद काजरेकर, वीरधवल परब यांनी परीक्षक म्हणून काम पाहिले. कार्यक्रमाला विविध क्षेत्रांतील मान्यवर, शिक्षक, विद्यार्थी व पालकांची मोठ्या प्रमाणावर उपस्थिती होती. विजेत्या स्पर्धकांचा उपस्थित मान्यवरांच्या हस्ते गौरव करण्यात आला.