राजापुरात जिल्हा परिषद निवडणुकीत सहा अर्ज अवैध
राजापूर, ता. २३ ः तालुक्यात जिल्हा परिषद व पंचायत समिती निवडणुकीसाठी गुरूवारी तांत्रिक अडचणींमुळे सायंकाळी उशिरापर्यंत छाननी प्रक्रिया सुरू होती. दरम्यान, छाननीमध्ये जिल्हा परिषद गटातीन दोन अर्ज तर पंचायत समिती गटातीन चार अर्ज असे सहा अर्ज अवैध ठरले आहेत.
राजापूर तालुक्यात वडदहसोळ, जुवाठी, धोपेश्वर, साखरीनाटे व कातळी या सहा जिल्हा परिषद गट व वडदहसोळ, रायपाटण, तळवडे, ताम्हाणे, केळवली, जुवाठी, धोपेश्वर, पेंडखळे, नाटे, साखरीनाटे, अणसुरे व कातळी या १२ पंचायत समिती गणासाठी निवडणूक होणार आहे. या अर्जाची छाननी गुरूवारी झाली. यामध्ये जिल्हा परिषद गणातील १९ पैकी १७ अर्ज वैध तर दोन अर्ज अवैध तर पंचायत समिती गणातील ५१ अर्जापैकी चार अर्ज अवैध ठरवण्यात आले आहेत. जुवाठी गटातून दीपक चव्हाण, शिवाजी कानडे यांचे अर्ज अवैध ठरवण्यात आले आहेत. केळवली गणातून शिवानी कानडे यांचा अजै अवैध ठरला आहे तसेच धोपेश्वर गणातून योगेश नकाशे व नाटे गणातून नंदिनी कदम यांचा पक्षाकडून दाखल असलेला अर्ज अवैध ठरला आहे; मात्र अपक्ष अर्ज वैध ठरवला आहे. कातळी गणातील सुनील जठार यांचा एक अर्ज अवैध ठरला असून, दुसरा वैध ठरला आहे.