‘देव, घैसास, कीर’मध्ये
प्लेसमेंट ड्राईव्ह आयोजन
रत्नागिरी, ता. २५ : देव, घैसास, कीर कला, वाणिज्य व विज्ञान वरिष्ठ महाविद्यालयात प्लेसमेंट सेलच्या वतीने तृतीय वर्षातील व माजी विद्यार्थ्यांसाठी कमर्शिअल बँक सिलेक्शन प्लेसमेंट ड्राईव्हचे यशस्वी आयोजन करण्यात आले. ग्लोबल आउटसोर्सिंग अँड ट्रेनिंग सर्व्हिसेस (पुणे) यांच्यावतीने हा उपक्रम राबविण्यात आला.
ग्लोबल आउटसोर्सिंग अँड ट्रेनिंग सर्व्हिसेसचे वरिष्ठ व्यवस्थापक गणेश शहाणे यांनी यांनी बँकिंग क्षेत्रातील विविध सोयी, संधी व रोजगाराच्या शक्यतांबाबत विद्यार्थ्यांना सविस्तर माहिती दिली. करिअर मार्गदर्शक हेमंत जगताप यांनी मुलाखतीसाठी आवश्यक तयारी, आत्मविश्वास व सादरीकरण कौशल्य याबाबत मोलाचे मार्गदर्शन केले. प्र. प्राचार्या मधुरा पाटील, उपप्राचार्या प्रा. वसुंधरा जाधव, कला शाखाप्रमुख प्रा. ऋतुजा भोवड, वाणिज्य शाखाप्रमुख व आयक्यूएसी समन्वयक प्रा. राखी साळगावकर, विज्ञान विभाग प्रमुख प्रा. वैभव घाणेकर, प्लेसमेंट सेलचे प्रा. वैभव कीर व प्रा. असावरी मयेकर उपस्थित होते. इच्छुक विद्यार्थ्यांच्या प्रत्यक्ष मुलाखती घेण्यात आल्या. या मुलाखतींमुळे विद्यार्थ्यांना व्यावसायिक मुलाखतीचा प्रत्यक्ष अनुभव मिळाला.